गजल – जितेन्द्र मल्ल

कहिले त जिन्दगीमा यस्तो चमत्कार होस् ।
न केही छुट्ने डर न कहीँ पुग्ने हतार होस् ।

डर पनि हट्यो र केही नयाँ सिकेर फर्किएँ,
मलाई पानीमा धकेल्नेको जयजयकार होस् ।

जुत्ता मिल्काइदिएको छु अब कुनै साँध छैन,
ए काँडा अब तेरो मेरो मिलन बारम्बार होस् ।

हजुरले मनपरी गर्नुहुन्छ मनपरी बोल्नुहुन्छ
यो पनि चाहनुहुन्छ अर्को मर्यादामा रहोस् ।

मेरा सन्ततिको भविष्य बेचेर अन्न जोहो गरेँ
आइबक्सियोस् हजूर पेटभरि ज्युनार होस् ।