बझाङमा टिपर दुर्घटना, दुईकाे मृत्यु तीन घाइते

बझाङमा टिपर दुर्घटना, दुईकाे मृत्यु तीन घाइते

मयूर टाइम्स

@Mayur Times

२०७७ मङ्सिर २८ गते अाईतबार ०६:५०

बझाङको तलकोट गाउँपालिकामा पर्ने किरकिट्यामा टिपर पल्टिँदा दुई जना मजदुरको मृत्यु भएको छ भने तीन जना घाइते भएका छन्। जिल्ला प्रहरी कार्यालय बझाङका अनुसार चैनपुर–ताक्लाकोट सडकखण्डमा पर्ने किरकिट्यामा बा ३ क ६०० नम्बरको टिपर...

बझाङको तलकोट गाउँपालिकामा पर्ने किरकिट्यामा टिपर पल्टिँदा दुई जना मजदुरको मृत्यु भएको छ भने तीन जना घाइते भएका छन्।

जिल्ला प्रहरी कार्यालय बझाङका अनुसार चैनपुर–ताक्लाकोट सडकखण्डमा पर्ने किरकिट्यामा बा ३ क ६०० नम्बरको टिपर दुर्घटनामा परेको हो। दुर्घटनामा मनोज गाहा मगर र मनोज भट्टको मत्यु भएको प्रहरी निरीक्षक कमलप्रसाद चौधरीले जानकारी दिए। उनीहरु टिपरमा काम गर्ने मजदुर हुन्। टिपर सडकबाट झण्डै ६० फिट तल खसेको छ।

गम्भीर घाइते उनीहरुलाई उपचारका लागि अस्पताल लैजादै गर्दा बाटोमै मृत्यु भएको प्रहरीले जनाएको छ। दुर्घटनामा टिपर चालक गोविन्द बिष्ट, सहचालक भरत धामी र मजदुर नेत्रबहादुर अधिकारी घाइते छन्।

कच्ची र अप्ठ्यारो सडकमा तीव्र गतिमा चलाउँदा टिपर पल्टिएको अनुमान प्रहरीले गरेको छ।

प्रकाशित मिति २८ मंसिर २०७७, आईतवार ०६:५०
प्रतिक्रियाहरू