गजल – प्रदीप रोदन

गजल – प्रदीप रोदन

प्रदीप रोदन

@प्रदीप रोदन

२०७७ असोज २९ गते बिहिबार ०५:५०

बर्षौं पछि म गाउँको घाट आइपुगेँ आफ्नै घर आइपुगेको भान भयो

नदेख्ने आँखा भयो नसुन्ने कान भयो
महोदय अब ऊ पनि भगवान भयो

ठूली तँ किन बटुल्दिनस् खुशीहरु
हेर पोखिएको मकै एक घान भयो

माया गर्छौ?सोधेथेँ बोल्न चाहेनौं
नबोलेरै समस्या समाधान भयो

एक मन खुशी अर्को मन दुखी छ
म बूढो भएँ र छोरो जवान भयो

बर्षौं पछि म गाउँको घाट आइपुगेँ
आफ्नै घर आइपुगेको भान भयो

गोरखा

प्रकाशित मिति २९ आश्विन २०७७, बिहीबार ०५:५०
प्रतिक्रियाहरू