डा. केसीलाई अनशन फिर्ता लिन सरकारको आग्रह

डा. केसीलाई अनशन फिर्ता लिन सरकारको आग्रह

मयूर टाइम्स

@Mayur Times

२०७७ असोज १६ गते शुक्रबार १०:१३

काठमाडौं : चिकित्सा शिक्षा सुधारको माग राख्दै अनशनमा बसेका डा.गोविन्द केसीलाई सत्याग्रह तोडन आग्रह सरकारले गरेको छ । डा. केसीले राखेका अधिकांश माग पुरा हुने चरणमा रहेको भन्दै बिहीबार बसेको मन्त्रिपरिषद्का निर्णय सार्वजनिक गर्न...

काठमाडौं : चिकित्सा शिक्षा सुधारको माग राख्दै अनशनमा बसेका डा.गोविन्द केसीलाई सत्याग्रह तोडन आग्रह सरकारले गरेको छ ।

डा. केसीले राखेका अधिकांश माग पुरा हुने चरणमा रहेको भन्दै बिहीबार बसेको मन्त्रिपरिषद्का निर्णय सार्वजनिक गर्न आयोजित पत्रकार सम्मेलनमा सरकारका प्रवक्ता एवं परराष्ट्रमन्त्री प्रदीप ज्ञवालीले सत्याग्रह तोडन आग्रह गरेका हुन् ।

डा.केसी चिकित्सा क्षेत्रको माग गर्दै केही दिनदेखि जुम्लाबाट सत्याग्रह सुरु गर्दै अहिले काठमाडौंको त्रि.वि. शिक्षण अस्पतालमा रहेका छन् ।मन्त्री ज्ञवालीले डा।केसीले उठाएका मागहरु पुरा भएर कार्यान्वयनमा गइसकेकाले सत्याग्रह बस्नुपर्ने अवस्था नरहेको बताए ।

डा.केसीको माग अनुसार चिकित्सा शिक्षा सम्बन्धी ऐन बनाई त्यसको आधारमा उच्चस्तरीय आयोग निर्माण गरिसकेको पनि उनले बताए । त्यस्तै चिकित्सा शिक्षाका लागि गत आर्थिक वर्षमा ७५ प्रतिशत छात्रवृति कार्यान्वयनमा आइसकेको पनि मन्त्री ज्ञवालीले बताए । मन्त्री ज्ञवालीले सातवटै प्रदेशमा सरकारी तवरबाट मेडिकल कलेजहरु खोल्न राखेको मागअनुसार सबै प्रदेशमा मेडिकल कलेज सञ्चालनमा आउन लागेको पनि बताए ।

अन्य विषयमा पनि सरकारले आफ्नो साधन स्रोतले भ्याएसम्म प्रयत्न गरिरहेको पनि उनले बताए । पीसीआर परीक्षण बढाउनुपर्ने मागमा पनि सरकारले परीक्षणको दायरालाई बढाई हालसम्म १० लाख बढीको परीक्षण भइसकेकाले केभिडको महामारीको अवस्थामा पुरा भइसकेका विषयलाई माग बनाएर दावाव नदिन मन्त्री ज्ञवालीले आग्रह गरे ।

प्रकाशित मिति १६ आश्विन २०७७, शुक्रबार १०:१३
प्रतिक्रियाहरू