गजल – चित्रमान तामाङ

बैँस उद्योग बनाइ माया लगानी भएछ
स्वीकृती लिने दिने नजर जवानी भएछ

भोक र प्यास आँधी वेहेरी भै दिँदा जिन्दगीको
छती फिटेर याद निकाल्ने मदानी भएछ

सुन्दर शरीर रोज्छ लाखौं मन मुटु फेर्दै
धोकाले मन रेट्दा अतित खुर्सानी भएछ

दया र माया खसी बोकाको भाउमा पाइने
जुत्ता चप्पल किने जस्तै छानीछानी भएछ

संगै मर्ने संगै बाच्ने त्यो बाचा कसम चै
गाला चाउरी नहुन्जेल निगरानी भएछ